အသက်(၃၀)မတိုင်ခင် ကျူးလွန်ထားသင့်သည့် အမှား(၁၇)ခု

အသက်(၃၀)မတိုင်ခင် ကျူးလွန်ထားသင့်သည့် အမှား(၁၇)ခု
ဖတ်ထားရုံနဲ့ အကျိုးရှိမှာပါ
✤✤✤============== ZawGyi==================✤✤✤
လူတိုင်းမှားတတ်ကြပါတယ်။ အမှားလုပ်မိတာကြောင့် စိတ်အားငယ်မှုတွေ၊ နာကျဉ်ဝမ်းနည်းမှုတွေ ကြုံတွေ့ရတယ်ဆိုပေမယ့် အမှားကနေတဆင့် ဆင်ခြင်လေ့လာသင်ယူခြင်းဖြင့် ပိုပြီးပြည့်စုံလာစေနိုင်ပါတယ်။ တချို့အမှားတွေက အတွေ့အကြုံကောင်းတွေ ရရှိစေပြီး သင်ခန်းစာယူတတ်ရင် အနာဂတ်အောင်မြင်မှုအတွက် အထောက်အကူဖြစ်စေနိုင်ပါတယ်။ ဒါကြောင့် အသက် (၃၀)မတိုင်ခင် ကြုံတွေ့ထားသင့်တဲ့ အမှား(၁၇)ခုကို ဖော်ပြပေးလိုက်ပါတယ်။
(၁) လူအများရှေ့စကားပြောမှားခြင်း
ယနေ့ခေတ်မှာ အတွေ့အကြုံရှိ ကျွမ်းကျင်ဟောပြောသူတွေတောင် စကားပြောမှားတတ်ကြပါတယ်။ ဒါကြောင့် လူအများရှေ့စကားပြောမှားမှာကို ကြောက်မနေပဲ ရဲရဲဝံ့ဝံ့နဲ့ပြောဖို့လိုအပ်ပါတယ်။ စကားပြောမှားသွားခဲ့လည်ူ ရှက်နေစရာမဟုတ်သလို နေညက်တစ်ကြိမိအကောင်းဆုံးဖြစ်ဖို့ ဆောင်ရန် ရှောင်ရန်တွေကို နားလည်သွားမှာဖြစ်ပါတယ်။
(၂) အဆင်မပြေနိုင်သူနှင့် ချိန်းတွေ့ကြည့်ပါ။
သမီးရည်းစားတွေဖြစ်ပြီးမှ အဆင်မပြေတဲ့အတွက် လမ်းခွဲရတဲ့ အမှားမျိုးကို ဆိုလိုပါတယ်။ ဒီလိုအမှားမျိုးကြုံဖူးမှသာ သင့် တစ်ဘ၀လုံးစာအတွက် အသင့်တော်ဆုံး လက်တွဲဖော်ကို ရွေးချယ်နိုင်မှာဖြစ်ပါတယ်။
(၃) စိတ်ပျက်စရာအလုပ်မှာ ၀င်လုပ်မိခြင်း
သင့်အလုပ်မှာ အထက်လူကြီးက စိတ်ပျက်စရာကောင်းပြီး လစာနည်းတယ်ဆိုရင်တောင်မှ ငါမှားပြီဆိုပြီး လက်လျော့ကာ အလုပ်မပြောင်းလိုက်ပါနဲ့ဦး။ စိတ်ပျက်စရာလုပ်ငန်းခွင်ထဲမှာ နေခဲ့ဖူးတဲ့ သင့်အတွက် အထက်လူကြီးနေရာရောက်လာတဲ့ အခါမှာ လက်အောက်ငယ်သားတွေကို ဘယ်လိုဆက်ဆံရမလဲဆိုတာ ကောင်းကောင်းသိလာပါလိမ့်မယ်။
(၄) သင့်ကိုသင် အရေးပါအရာရောက်ပြီဟု တွေးခြင်း
သင့်ကိုသင် ရာထူးတိုးတော့မယ်၊ အရေးကြီးစီမံကိန်းတစ်ခုကို ဦးဆောင်ရတော့မယ်လို့မျှော်လင့်ပြီး တကယ်ဖြစ်မလာတော့မှ မှားမှန်းသိရတာမျိုးကလည်း အနည်းဆုံးတစ်ကြိမ်လောက်တော့ဖြစ်ဖူးသင့်ပါတယ်။ ဒီလိုအမှားမျိုးကနေ ဘယ်အရာမှမသေချာဘူးဆိုတာနဲ့ အခွင့်အရေးတွေဟာ သင့်ဆီကိုအလိုလိုရောက်မလာဘူးဆိုတာတွေကို သင်ခန်းစာယူနိုင်မှာဖြစ်ပါတယ်။
(၅) အဆိုးဆုံးအခြေအနေများနှင့်ရင်ဆိုင်ရခြင်း
ကမ္ဘာကျော် ဟယ်ရီပေါ်တာဇာတ်လမ်းတွဲတွေကို ရေးသားခဲ့တဲ့ စာရေးဆရာမ J. K Rowling ဟာ အသက်(၃၀)ကျော်အရွယ်မှာ ကလေးတစ်ယောက်အမေဖြစ်ပြီး အလုပ်မရှိ၊ ၀င်ငွေမရှိနဲ့ လူမှုဖူလုံရေးအထောက်အပံ့ကို မှီခိုနေခဲ့ရဖူးသူဖြစ်ပါတယ်။ ဒီလို အနိမ့်ကျဆုံးအခြေအနေကို ရောက်ရှိခဲ့ခြင်းက သူမအတွက် ပထမဆုံးဟယ်ရီပေါ်တာစာအုပ်ကို အပြီးသတ်ရေးသားဖြစ်စေဖို့ တွန်းအားဖြစ်စေခဲ့ကြောင်း သူမအောင်မြင်ပြီးနောက်ပိုင်း ဟောပြောပွဲတစ်ခုမှာ ပြောကြားခဲ့ပါတယ်။ ဒါကြောင့်လုပ်မှားကိုင်မှားဖြစ်ပြီး ဘ၀ပျက်မတတ်အဆိုးဆုံးအခြေအနေထိရောက်ဖူးတာဟာလည်း သင့်ဘ၀အောင်မြင်ရေးအတွက် အတွေ့အကြုံကောင်းဖြစ်နိုင်ပါတယ်။
(၆) အလုပ်ထုတ်ခံရခြင်း
အကြောင်းတစ်ခုခုကြောင့် အလုပ်ထုတ်ခံရတာမျိုးကိုလည်း အသက် (၂၀)ကျော်အရွယ်မှာ ကြုံဖူးသင့်ပါတယ်။ အလုပ်မှ ထုတ်ပယ်ခံရတာဟာ ခါးသီးတဲ့ဘ၀အတွေ့အကြုံတစ်ခုဖြစ်ပေမယ့် သင့်ရဲ့စွမ်းဆောင်ရည်ကို ပိုမိုမြှင့်တင်ဖို့လိုပြီဆိုတဲ့ အသိကိုစောစီးစွာ ရရှိစေနိုင်ပါတယ်။ သင့်ဝါသနာနဲ့မကိုက်ညီတဲ့ အလုပ်မျိုးဖြစ်ခဲ့မယ်ဆိုရင်လည်း အချိန်မှီပြင်ဆင်နိုင်မှာဖြစ်သလို ဘ၀ရှေ့ရေးအတွက် အစီအစဉ်ကောင်းတွေချမှတ်တတ်ဖို့နဲ့ ကိုယ့်ဘ၀ကိုတာဝန်ယူနိုင်ဖို့ တွန်းအားရရှိလာနိုင်ပါတယ်။
(၇) အလုပ်သုံးခု ပြောင်းခြင်း
အလုပ်အကိုင်မတည်မြဲခြင်းဟာ ကိုယ်ရေးအကျဉ်းမှာ ဖော်ပြလို့ကောင်းတဲ့အချက်မဟုတ်ပါဘူး။ ဒါပေမယ့် မတူညီတဲ့အလုပ် (၃)ခုလောက်လုပ်ကြည့်ပြီးမှာသာ သင့်ဝါသနာ သင့်ပင်ကိုယ်အရည်အချင်းနဲ့ကိုက်ညီတဲ့ အသက်မွေးဝမ်းကျောင်းအလုပ်တစ်ခုကို အကောင်းဆုံးရွေးချယ်နိုင်မှာဖြစ်ပါတယ်။
(၈) အကြောင်းရင်းတစ်ခုကြောင့် စိတ်မပါသည့်အလုပ်ကို လုပ်ခြင်း
ငွေကြေးကြောင့်ပဲဖြစ်ဖြစ်၊ အခြားရွေးချယ်စရာမရှိခဲ့လိုပဲဖြစ်ဖြစ် ၀ါသနာမပါတဲ့အလုပ်ကို လုပ်နေကြရတတ်ပါတယ်။ ဒီလိုအမှားမျိုး ငယ်ရွယ်စဉ်မှာ လုပ်ခဲ့ဖူးမယ်ဆိုရင် ဘ၀တစ်လျှောက်လုံးအတွက် အသင့်တော်ဆုံးအလုပ်အကိုင်တစ်ခုကို ရွေးခယ်နိုင်ဖို့သင်ခန်းစာယူပြီး ကြိုတင်ပြင်ဆင်နိုင်မှာဖြစ်ပါတယ်။
(၉) စိတ်ထဲရှိသမျှ ပြောခြင်း
ပြောချင်ရာပြောပြီး တစ်ဖက်လူစိတ်ထိခိုက်သွားစေတဲ့ အမှားမျိုးကိုလည်း ငယ်ရွယ်စဉ်မှာလုပ်ခဲ့ဖူးသင့်ပါတယ်။ ဒီလိုအမှားမျိုးကနေ နောင်တစ်ချိန်မှာ တဖက်လူအတွက် ငဲ့ညှာစဉ်းစားပေးတတ်လာဖို့ သင်ခန်းစာယူနိုင်မှာဖြစ်သလို ပြောဆိုဆက်ဆံမှုစွမ်းရည် တိုးတက် လာစေဖို့ကိုလည်း အထောက်အကူဖြစ်စေပါတယ်။
(၁၀) အားမနာတမ်းအဆက်အသွယ်ဖြတ်ခြင်း
စကားဝိုင်းတစ်ခုကနေဖြစ်ဖြစ်၊ ဆွေးနွေးပွဲတစ်ခုကနေဖြစ်ဖြစ် မပြီးပြတ်သေးပဲထထွက်လာတာမျိုးကို ဆိုလိုတာဖြစ်ပါတယ်။ ဒီလိုလုပ်တာဟာ တစ်ဖက်လူကိုခံရခက်စေပြီး လူမှုဆက်ဆံရေးကိုထိခိုက်နိုင်ပါတယ်။ ဒါပေမယ့် ဒီအမှားမျိုးက သင့်ဘ၀တလျှောက် ခက်ခဲကျပ်တည်းတဲ့အခြေအနေကြုံတွေ့ရတဲ့အခါမျိုးမှာ ဘယ်သူ့ကိုမှအားမနာပဲ အမှန်ကန်ဆုံးရုန်းထွက်နိုင်ဖို့ အထောက်အကူ ဖြစ်စေနိုင်ပါတယ်။
(၁၁) အလုပ်ကိုလျစ်လျူရှုပြီး အပေါင်းအသင်းများနှင့် အချိန်ဖြုန်းခြင်း
ဒါဟာလည်း ငယ်ရွယ်စဉ်မှာ ကျူးလွန်ထားသင့်တဲ့အမှားတစ်ခုပဲဖြစ်ပါတယ်။ အသက်အရွယ်ရလာချိန်မှာဆိုရင် တာဝန်တွေပိုများလာမှာ ဖြစ်တဲ့အတွက် အရေးကြီးတာဝန်ဝတ္တရားတွေမရှိသေးတဲ့ ငယ်စဉ်အချိန်မှာ မှားထားသင့်ပါတယ်။ ဘာကြောင့်လဲဆို လူငယ်တစ်ယောက် အတွက် အလုပ်ပြီးအောင်လုပ်ဖို့ အချိန်ရောနည်းလမ်းပါ ပြန်လည်ရှာဖွေလို့ရနိုင်ပေမယ့် သူငယ်ချင်းတွေနဲ့ ဆုံတွေ့ချိန်တွေက ပြန်ရဖို့ မသေချာ တာကြောင့် ဖြစ်ပါတယ်။
(၁၂) အစအနောက်လွန်ခြင်း
ဒီအမှားမျိုးက သိပ်ပြဿနာမရှိဘူးလို့ ထင်ရပေမယ့် လုပ်ငန်းခွင်မှာ အလွန်အကျွံစနောက်ခြင်းကြောင့် အလုပ်ပြုတ်တဲ့အထိ ဖြစ်သွားနိုင်ပါတယ်။ ဒါပေမယ့် စနောက်ခြင်းကြောင့် လူတစ်ကိုယ် စိတ်တစ်မျိုးရှိတာကို သဘောပေါက်ပြီး လူကိုလိုက်ပြီး ပေါင်းသင်း ဆက်ဆံတတ်လာမှာဖြစ်ပါတယ်။
(၁၃) လိုတာထက်ပိုပြီး အရေးစိုက်ခြင်း
လုပ်ငန်းခွင်မှာ ဒါမှမဟုတ် ချစ်မှုရေးရာကိစ္စတွေမှာ လိုတာထက်ပိုပြီး အစစအရာရာ သဲသဲလှုပ်ဖြစ်နေတာဟာ အမှားတစ်ခုလို့ လူအများစုက ယူဆကြပါတယ်။ ဒါပေမယ့် အရာရာကို အလေးထားလုပ်ဆောင်ခြင်းကြောင့် သင်အောင်မြင်ဖို့ ပိုမိုနီးစပ်သလို ကျရှုံးခဲ့ရင်လည်း အတွေ့အကြုံတွေ အများကြီးရမှာဖြစ်ပါတယ်။
(၁၄) တုံဏိဘာဝေနေခြင်း
ဘယ်သူဘာပြောပြော အကျိုးသင့်အကြောင်းသင့် ပြန်လည်မရှင်းပြပဲ ငြိမ်ခံနေတာလည်း စောစီးစွာကြုံတွေ့ထားသင့်တဲ့ အမှားဖြစ်ပါတယ်။ ဒီအမှားမျိုး လုပ်ဖူးမှသာ လုပ်သမျှသည်းခံပြီး အလိုရှိရာကို မတောင်းဆိုတတ်ရင် အခွင့်အရေးတွေနဲ့လွဲချော်သွားနိုင်တာကို သဘောပေါက်မှာ ဖြစ်ပါတယ်။ ဒီအချက်ကို စောစောသိလေ သင့်အတွက် ပိုအကျိုးရှိလေပဲဖြစ်ပါတယ်။
(၁၅) သင်ပြောသမျှအမှန်ဟုယူဆခြင်း
ဒီအမှားမျိုးကို ဘ၀တစ်လျှောက်လုံးထပ်ကာထပ်ကာ လုပ်တတ်ကြပါတယ်။ တစ်ကြိမ်လုပ်မိတိုင်း သင်အမြဲမမှန်နိုင်ဘူးဆိုတာ သိလာမှာ ဖြစ်ပါတယ်။ ဒါ့ကြောင့် ဒီအမှားမျိုးကို တတ်နိုင်သမျှစောစောလုပ်ထားဖူးတာ ကောင်းပါတယ်။
(၁၆) သင့်အမှားကို တစ်စုံတစ်ယောက်အားလွှဲချခြင်း
တစ်ခါတစ်ရံမှာ သင့်အမှားအတွက် အခြားတစ်စုံတစ်ယောက် ဒါမှမဟုတ် တစ်စုံတစ်ခုကို အပြစ်ပုံချတာမျိုးလုပ်တတ်ကြပါတယ်။ ဒီလို အပြစ်တင်တာဟာ အသုံးမ၀င်ဘူးဆိုတာကို လုပ်ဖူးသူတိုင်းသိကြပါတယ်။ ဒါကြောင့် ဒီအမှားမျိုးလုပ်ဖူးရင်တော့ တစ်ခုခုအဆင်မပြေတိုင်း လက်ညိုးထိုးအပြစ်တင်ဖို့ တရားခံရှာနေမယ့်အစား ဖြေရှင်းဖို့နည်းလမ်းရှာရှာတာ အကောင်းဆုံးဖြစ်တယ်ဆိုတာကို သိလာမှာပါ။
(၁၇) အမှားလုပ်မိမှာကို အစိုးရိမ်လွန်ခြင်း
အမှားလုပ်ဖို့ ကြောက်နေတာဟာလည်း အမှားတစ်ခုပဲဖြစ်ပါတယ်။ အမှားတွေကနေ သင်ခန်းစာယူတတ်မယ်ဆိုရင် အမှားတွေဟာ သင့်ဘ၀အောင်မြင်ရေးအတွက် လှေကားထစ်တွေပဲဖြစ်ပါတယ်။ ဒါကြောင့် ငယ်ရွယ်စဉ်အချိန်မှာ မှားယွင်းမှုတွေကို စိုးရိမ်ကြောက်ရွံ့မနေပဲ လုပ်စရာရှိတာတွေကို လုပ်ရမှာဖြစ်ပါတယ်။ အမှားများက တဆင့်သင်ခန်းစာယူပြီး အောင်မြင်မှုတွေ ဆွတ်ခူးနိုင်ကြပါစေ။
Copy form Gentleman Magazine