ဥာဏ်ရည် ထက်မြက်သော ကလေးငယ် ဖြစ်စေရန် ပညာရှင် တို့၏ အကြံပြုချက်များ

ဥာဏ်ရည် ထက်မြက်သော ကလေးငယ် ဖြစ်စေရန် ပညာရှင် တို့၏ အကြံပြုချက်များ
စိတ်ကူးပျော်ရာ

- သင့်ကလေးအတွက် သင့် မျက်ဝန်းတွေ အမြဲကြယ် တာရာလို ကြည်လင်ဝင်း လက်နေဖို့ ထိန်းသိမ်းပါ။

- ကလေးငယ်တစ်ယောက် ဆီ မှာတောင့်ခံနိုင်မှု၊ ယုတ္တိကျ မှု၊ တစ်ကိုယ်ကောင်း စိတ် ကင်းမှုနှင့် တခြား ပဉ္စလက် ဆန်ဆန် ရှိနေဖို့ မမျှော်လင့် ပါနဲ့။

- သင့်ကလေးပြောတာကို အာ ရုံစိုက်နားထောင်ပေးပါ။ သူ ပြောသမျှ စကားလုံးတိုင်းကို အလေးနက် ထားပြီး စကား လုံးနောက်ကွယ်က သူ့ရဲ့ ခံ စားချက်ကိုလည်း တန်ဖိုး ထားဂရု စိုက်ပေးပါ။

- သင့်ကလေးငယ်နှင့် အတူ ပြင်ပ ထွက်လည်တာကို အချိန် များများပေးပါ ။လေကောင်း လေသန့် ရှူပေးခြင်းဖြင့် ကလေးငယ် ၏ ကိုယ်၊ စိတ်၊ ဦး နှောက် ကြီးထွားလန်း ဆန်းနေပါစေ။

- သူတို့အတွက် မေတ္တာဟာ အချိန်တိုင်းမှာအရေးတကြီး လိုအပ်နေတာပါ။

- လူမမည်ကလေးပေါက်စလေးများပင်လျှင် တစ်ခါ တစ်ရံအသည်းကွဲ မတတ်ခံ စားရနိုင်သည်ကို နားလည် စာနာပါ။

- သင့်ကလေးကို အမြဲဒုတိယ အကြိမ်ထပ်ကြိုးစား ခွင့်ပေး လိုက်ပါ။

- သင့်ကလေး ဆော့ကစားနေ ခိုက်စောင့်ကြည့်အကဲခတ် နားစွင့်လေ့လာပြီး သူ့ကိုယ် သူနဲ့ သင့်အပေါ် သူဘယ်လို ရှုမြင်သည်ကို သဲလွန်စရှာ ဖွေဖော်ထုတ်ကြည့်ပါ။

- မည်မျှ သေးငယ် ပါစေ၊ ကလေး၏ အောင်မြင်မှုများ ကို တခမ်းတနား အောင်ပွဲခံ ပေးပါ။

- သင့်ကလေး ပြောသမျှ ရယ် စရာစကားများ၊ နှစ်သက် ဖွယ် အသုံးအနှုန်းများကို ချ ရေးမှတ်ထားပါ။ ထိုစကား များဟာ နောင်နှစ်ပေါင်း များစွာ သင့်မိသားစု အတွက် ပီတိဖြစ်စရာ ဖျော်ဖြေပေး ပါလိမ့်မည်။

- သင့်ကလေးကို တခြား ကလေး နှင့် နှိုင်းယဉ်သော အလေ့ အထကို မမွေးပါနှင့်။

- လုပ်မလား၊ မလုပ်ဘူးလား” ဟူသော ခြိမ်းခြောက်မိတော့ မည့် အနေအထား မျိုးကို ဖြစ်နိုင်သမျှ ရှောင်ကြဉ်ပါ။

- သင့်ကလေးကို ထပ်ခါထပ် ခါဖတ်ပြဖို့ စိတ်ကြိုက်စာ အုပ်များရွေးချယ်သတ်မှတ် ထားပါ။

- သင့်ကလေးနဲ့အတူတူ ရယ် တဲ့အခါ လိုက်ရယ်၊ ငိုတဲ့ အခါ လိုက်ငိုပါ။

- သင့်ရော၊ သင့်ကလေးပါ နှစ် ယောက် စလုံးတက်လို့ ရနိုင် မည့် သစ်ပင် တစ်ပင်ရှာ ထားပါ။

- တစ်စုံတစ်ရာ(သို့)သစ်ပင် တစ်ပင်ကို ကြီးထွား လာအောင် ကလေးနှင့် အတူတူ ပြုစုပျိုး ထောင်ပါ။

- အောင်မြင်မှု အတွက် သာမက အားထုတ်မှု အတွက်ပါ ကလေးကို ချီးကျူးပါ။

- ကလေးရဲ့ စိတ်အနေမြင့်ရန် “မင်းတတ်နိုင်မှန်း အဖေ၊ အမေသိပါတယ်”ဟူသော အပြောမျိုးဖြင့် အားပေးပါ။

- သင့်ကလေး ပထမဆုံးကျောင်း စတက်သည့်နေ့ကို ဗီဒီယို (သို့) ဓာတ်ပုံ ရိုက်ကူးထား ပါ။ ဒါဟာ ဘဝရဲ့ အဓိ က ကျောက်စာ တိုင် တစ်တိုင် ဖြစ်ပါတယ်။

- ကလေးက သင့်ကို တစ်ခုခု ပြန်၍ သင်ကြား ပေးခြင်းခွင့် ပြုပါ။

- ကံဆိုးတဲ့နေ့ ကြုံတွေ့လျှင် လည်း အိုကေပဲလို့ ကလေး သိအောင် သူ့ရှေ့မှာ ဟန် မပျက်နေပြပါ။ သင့်ကလေး ကို ရိုးရာ ဒဏ္ဍာရီများ၊ ပုံပြင် များ၊ နတ်သမီး ပုံပြင် များ ပြောပြရင်း ချစ် ခင်ယုယမှု ပေးပါ။ ဤသည်က ကလေး ကို ယဉ်ကျေး သိမ်မွေ့စေပြီး စာတတ်ပေတတ် ဖြစ်လာစေ ပါလိမ့်မည်။

- အနာဂတ်အတွက် သင့်ရဲ့ ကိုယ်ပိုင်အိပ်မက်တွေနဲ့ မျှော် လင့်ချက်တွေ အကြောင်း ကလေးကို ပြောပြပါ။

- ဖြစ်နိုင်သမျှ အချိန်တိုင်းမှာ သင့်ကလေးကို ရွေးချယ်နိုင် ခွင့်များ ချပြထားပါ။

- စံချိန်စံညွှန်း(သို့) အခြား ဥာဏ် ရည်ဥာဏ်သွေးဆန်း စစ် ချက်ပေါ် အခြေခံထားပြီး သင့်ကလေး အဆင့်ကို မသတ်မှတ်ပါနှင့်။

- ကလေးကို သူပြုခဲ့သမျှထဲမှ ကောင်းသော လုပ်ရပ်များ ပြန်သတိ ရမိအောင် ကူညီ ဖော်ထုတ်ပေးပါ။ ဤသည် မှာ ကိုယ့်ကိုယ်ကိုယ် ယုံ ကြည်မှု တည်ဆောက်ခြင်း ၏ အခြေခံဖြစ်သည်။

- ရုပ်ရှင်ရုံများနှင့် ကစားကွင်း များသွားသည့် အခါတိုင်း ကလေးကို သူ့ရုံဝင်ခ လက် မှတ်သူ ကိုယ်တိုင်ဝယ်ပါစေ။

- ကလေးကမေးသော ဖြေရ ခက်သည့်မေးခွန်းကို ဥပေက္ခာ မပြုပါနှင့်ဖြေရမှာ ရှက်သလို ရွံ့သလိုလည်း မလုပ်ပါနှင့်။

- ပြည်တွင်းပြည်ပသတင်း များ ကို ကလေးနှင့်အတူ ကြည့် ရှုနားထောင်ပြီးကမ္ဘာမှာ ဘာ တွေဖြစ်နေသလဲ ရှင်းပြပါ။

- ပညာရေး၏ အရေးပါမှုကို ကလေးကိုသိနားလည် အောင် လုပ်ပါ။

- သင့်ကလေး၏ကိုယ်ရေး ကိုယ် တာမှန်သမျှကို လေးစားပါ။

- သင့်ကလေးမှတစ်ဆင့် သင့် ဘဝကိုပြန်ဖြတ်သန်း၊ ပြန်နေ ထိုင်ဖို့ မကြိုးစားပါနှင့်။

- ပန်းတိုင်ချမှတ်ခြင်းက ဘယ် လောက်တန်ဖိုးရှိကြောင်း ကလေးကို ပြသပါ။

“ဘဝမှာ ကျွန်တော့် သားကို အစကပြန်ပြီး ပြုစုပျိုးထောင် ခွင့်များရခဲ့မယ် ဆိုရင် ကိုယ် ကျင့်တရားနဲ့ သိက္ခာကို အရင် တည်ဆောက်မယ်။ နေဖို့ အိမ်ကို နောက် မှဆောက် မယ်။ လက်ချောင်းတွေနဲ့ ပန်းချီဆွဲတာ ပိုပြီးကျင့်မယ်။ လက်ညှိုး ထိုးပြီး အပြစ်တင် တာတွေ ကိုလျှော့မယ်။အပြင်း အထန် ဝေဖန်ဖို့ထက် ကျိုး ကြောင်း ဆက်စပ်ပြီး ကြည့် တတ်ဖို့ အားထုတ်မယ်။အလုပ် ချိန်နာရီကို ကြည့်မယ့် မျက်လုံးက သားကို ဂရုတစိုက် စောင့်ကြည့်ဖို့ သုံးလိုက်မယ်။ သားနဲ့ လမ်းများများ ပိုလျှောက် ပြီးစွန်တွေ အများကြီး လွှတ် မယ်။ အသည်း အသန် အလုပ် တွေကို ရပ်ပြီးသားနဲ့ပဲ အသည်းအသန် ကစားနေ မယ်။ ကွင်းပြင်တွေကို ဖြတ် ပြေးမယ်။ သား နဲ့အတူလေ။ ပြီးတော့ ကြယ်တွေ အများ ကြီးကို ငေးကြည့်မယ်။ စီးပွား ရေးအခွင့် အကောင်းတွေ အစားသားကိုပဲ ပိုပြီးတင်း တင်းကျပ်ကျပ် ပွေ့ဖက်တဲ့ အလေ့ကို လုပ်ဖြစ်အောင် လုပ်မယ်” လို့ ကမ္ဘာကျော် စာရေးဆရာ ဒိန်းလူမန်က သူ့ရဲ့If I had My Child to Raise Over Again စာ အုပ်ထဲမှာ ရေးခဲ့ပါတယ်။

(အလင်းဆက်(IR) – Popular Myanmar)

အောင်မြင်သော ခေါင်းဆောင်မှု လျှို့ဝှက်ချက်များ

အောင်မြင်သော ခေါင်းဆောင်မှု လျှို့ဝှက်ချက်များ

မကောင်းမြင်တတ်သူများအဖို့ ကိုယ့်ခေါင်းဆောင် မကောင်းကြောင်း ပြောလေ့ရှိသည်။  မကောင်းလျှင် ဘာကြောင့် ကိုယ့်အထက်ရောက်ပြီး ဘာလို့ ခေါင်းဆောင် ဖြစ်နေရတာလဲ ဟူသော မေးခွန်းကို မေးလျှင်လည်း မကြိုက်ချင်ကြ၊ အမှန်မှာတော့ Secrets of Leadership success နှင့် Sacred Leadership ကို လိုင်းချော် တွေးနေကြခြင်းသာ ဖြစ်သည်။ အမြဲတမ်း မှားတွေးလေ့ ရှိကြသည်။ ခေါင်းဆောင်ဖြစ်လာခြင်းမှာ ခေါင်းဆောင်နိုင်သော အရည်အချင်း ရှိသောကြောင့်သာ ခေါင်းဆောင် ဖြစ်လာကြခြင်းသာ ဖြစ်သည်။ မျက်မှောက်ခေတ် အဖွဲ့အစည်းများတွင် ခေါင်းဆောင်များသည် သူတို့၏ လျှို့ဝှက်ချက်များကြောင့်သာ ခေါင်းဆောင်နေရာတွင် ရပ်တည်နေကြခြင်းသာ ဖြစ်သည်။ ခေါင်းဆောင်မှု စတိုင်ကို ပြန်ကြည့်လျှင် လမ်းညွှန်တတ်သောသဘော၊ ဦးစီးနိုင်သောသဘော ရှိကြသည်။ တစ်နည်းအားဖြင့် Mentors သဘောကို ကောင်းကောင်း နားလည်သူများ ဖြစ်သည်။ လက်ညှိုးညွှန်ရာ ရေဖြစ်စေနိုင်သည့်သဘော ရှိသူများလည်း ဖြစ်သည်။ ကိုယ်ခေါင်းဆောင်မည့် အဖွဲ့အစည်း၏ အခြေအနေကို ကောင်းစွာ နားလည်တတ်သူများလည်း ဖြစ်သည်။ နောက်ပြီး ပါရမီခံရှိသူ ဖြစ်သည်။

ခေါင်းဆောင်ဖြစ်လာမှုနှင့် ပတ်သက်ပြီး Nature လား၊ Nurture လား ဆိုသည့် မေးခွန်းကို အမြဲ မေးလေ့ရှိကြသည်။ nature ကတော့ ဖွံ့ဖြိုးဆဲများ အလေးထားကြသည်။ သဘာဝကိုက ခေါင်းဆောင်ပါရမီ ပါလာသည့်သဘော ဖြစ်သည်။ တောက်မည့်မီးခဲ အရှိန်နှင့် တရဲရဲ သဘောမျိုး ဖြစ်သည်။ နဂိုရှိမှ နဂိုင်းထွက်သည့် သဘောလည်း ဖြစ်သည်။ Nurture ကတော့ ခေါင်းဆောင်မွေးယူခြင်း ဖြစ်သည်။ Nature က မှန်သလား၊ Nurture က မှန်သလားဟု ဆိုလျှင် နှစ်ခုစလုံး မှန်ပါသည်။ ခေါင်းဆောင်မှု သင်တန်းများကို တက်ရောက်သူများကို ကြည့်လျှင် ခေါင်းဆောင်နိုင်သော အရည်အချင်း ရှိသူများသာ တက်ရောက်ကြသောကြောင့်သာ ဖြစ်သည်။ ခေါင်းဆောင်နိုင်သော အရည်အချင်း ရှိသူသည် Nature ဖြစ်သည်။ ခေါင်းဆောင်မှု သင်တန်းအရ ခေါင်းဆောင်များ မွေးထုတ်ခြင်းသည် Nurture သာ ဖြစ်သည်။ မဆိုင်သော်လည်း ဆက်စပ်မှု ရှိပါသည်။ Nature မရှိဘဲ Nurture လုပ်ခံရပြန်လျှင်လည်း ရွယ်တော့မဟာနွယ်၊ ညားတော့ဈေးသည် အဆင့်လောက်ခေါင်းဆောင်မျိုးသာ ရရှိပါသည်။ ခေါင်းဆောင် အရည်အချင်း ရှိသူများကို လေ့လာမည်ဆိုလျှင် သူတို့ လုပ်ကိုင်နေသော လုပ်ရပ်များကို ကြည့်ပြီး အကဲခတ်နိုင်ကြသည်ဟုလည်း ဆိုကြပါသည်။ သူတို့ရဲ့ သိသာနိုင်သော လျှို့ဝှက်ချက်များကို လေ့လာမည် ဆိုပါက

အသိအမှတ်ပြုတတ်ပါစေ

ခေါင်းဆောင်တစ်ဦး၏ မလွဲမသေ လုပ်ရမည့် တာဝန်များတွင် Recognition ခေါ် အသိအမှတ်ပြုခြင်း ဖြစ်သည်။ အလုပ်ကို အသိအမှတ် ပြုမှာလား၊ လူကို အသိအမှတ် ပြုမှာလားဟူသော မေးခွန်းသည် ထိုခေါင်းဆောင်၏ လုပ်ဆောင်မှု အပေါ်တွင် မူတည်နေသည်။ အလုပ်ကို မွေးသော ခေါင်းဆောင်သည် တာဝန်ကျေပွန်သူက မြှောက်စားသည်။ အလုပ်တာဝန် မကျေပွန်သူကို သတိပေးသည်။ လူကို မွေးသော ခေါင်းဆောင်သည် ကိုယ်နှင့် တည့်သည့်လူကို မြှောက်စားသည်။ မတည့်သည့်လူကို ချောင်ထိုးသည်။ ပိုစိတ်ချရအောင် နှိပ်ကွပ်ထားသည်။ တစ်ဖန် ခေါင်းဆောင်ဆိုသည်မှာ လူကြောင့် ဖြစ်လာသည်လား၊ အလုပ်ကြောင့် ဖြစ်လာသည်လား ဟူသော မေးခွန်းကို လူတွေကြောင့် ခေါင်းဆောင်ဖြစ်လာသည်ဟုသာ ထင်တတ်ကြသည်။ အမှန်တော့ အလုပ်အရသာ သက်ဆိုင်ရာ ခေါင်းဆောင် အသီးသီးတို့ ဖြစ်လာကြခြင်းသာ ဖြစ်သည်။

ထို့ကြောင့် ခေတ်သစ်စီးပွားရေး စနစ်တွင် စုံစီနဖာ၊ တောက်တိုမယ်ရ ခေါင်းဆောင်ဆိုသည်ကား မရှိ၊ အလုပ် တာဝန်ဝတ္တရား Division of Labour or Specialization ပေါ် မူတည်ပြီးမှသာ ခေါင်းဆောင်ဖြစ်လာခြင်းသာ ရှိသည်။ အဖွဲ့အစည်းမှ ဖြစ်လာသော ခေါင်းဆောင်သာလျှင် ရှိသည်။ ထိုခေါင်းဆောင်သည် ထိုအဖွဲ့အစည်း မရှိတော့လျှင် ထိုခေါင်းဆောင်လည်း မရှိတော့သည့် သဘောမျိုး ဖြစ်သည်။ အထက်ဖော်ပြပါ အချက်နှစ်ချက်ကို ပြန်သုံးသပ်လျှင် အလုပ်ကိုလည်း မွေးရမည်။ အလုပ်နှင့်ပတ်သက်သော လူများကိုလည်း မွေးရမည်သာ ဖြစ်ပါတော့သည်။ အလုပ်သပ်သပ် မွေးလို့တော့ မရနိုင်ပါ။ အလုပ်နှင့် တွဲပြီး လူမွေးရပါသည်။ သို့သော်လည်း အလုပ်သပ်သပ်ဖြင့် လူမွေးလို့ရော ရနိုင်ပါသလားဟူသော မေးခွန်းလည်း ရှိပါသည်။ အလုပ်သပ်သပ်ဖြင့်လည်း လူမွေး၍ ရနိုင်ပါသည်။ သို့သော်လည်း အဖွဲ့အစည်းအတွက်တော့ စိတ်မချရပါ။ အဖွဲ့အစည်း ပျက်သွားနိုင်သောကြောင့် ဖြစ်သည်။

အဖွဲ့အစည်း ပျက်သွားလျှင် ထိုအဖွဲ့အစည်း၏ ခေါင်းဆောင်လည်း မရှိတော့ပါ။ အဖွဲ့အစည်းနှင့် ပတ်သက်လာလျှင်လည်း တွေးဆစရာများလည်း ရှိပါသည်။ ရပ်တည်နေသော အဖွဲ့အစည်းနှင့် လှုပ်ရှားနေသော အဖွဲ့အစည်းဟူ၍ နှစ်မျိုးရှိပါသည်။ ဥပမာအားဖြင့် - လူ၏ ခန္ဓာကိုယ်ကို အဖွဲ့အစည်း တစ်ခုအဖြစ် သတ်မှတ်လိုက်မည် ဆိုလျှင် အစား စားနေချိန်တွင် အစားစားခြင်းနှင့် ဆိုင်သော အစိတ်အပိုင်းသည် ခေါင်းဆောင် ဖြစ်လာပါသည်။ ပါးစပ်၊ လက်၊ မျက်စိ စသည့် အပိုင်းများ ဖြစ်လာပါသည်။ လမ်းလျှောက်တော့မည် ဆိုလျှင်လည်း ခြေထောက်၊ မျက်စိ စသည်တို့သည်လည်း ခေါင်းဆောင်မှု အပိုင်းတွင် ဖြစ်လာပါသည်။ ထို့ကြောင့် ခန္ဓာကိုယ်တွင် မည်သူက ခေါင်းဆောင်ဖြစ်မလဲ ဟူသော အတွေးသည် သိပ်စဉ်းစားစရာ မလိုပါ။ အသိအမှတ် ပြုခြင်းနှင့်သာ ဆိုင်ပါသည်။ စားနေချိန်တွင် စားခြင်းနှင့်ဆိုင်သော ခန္ဓာကိုယ် အစိတ်အပိုင်းများကို အသိအမှတ် ပြုသင့်ပါသည်။ လမ်းလျှောက်နေချိန်တွင် လမ်းလျှောက်ခြင်းနှင့် ဆိုင်သော အစိတ်အပိုင်းများကို အသိအမှတ် ပြုတတ်ရပါမည်။ စားနေချိန်တွင် ခြေထောက်ကို မြှောက်စားနေမည်၊ လမ်းလျှောက်ချိန်တွင် ပါးစပ်ကို အမွှမ်းတင်နေမည် ဆိုပါက အသိအမှတ်ပြု လွဲနေပါတော့မည်။ ယင်းကို Leadership တွင် Supervision Means ဟု ခေါ်ဆိုကြသည်။

စီမံခန့်ခွဲတတ်ပါစေ

စီမံခန့်ခွဲမှုနှင့် ပတ်သက်လာလျှင် စုပေါင်းလုပ်တတ်မှု ရှိစေရန် သွန်သင်တတ်ရမည် ဖြစ်သည်။ များသောအားဖြင့် စီမံခန့်ခွဲမှုသည် အချင်းချင်း ရန်တိုက်ပေးတတ်လျှင် စီမံခန့်ခွဲမှု ကျွမ်းကျင်သည်ဟု အရပ်စကားဖြင့် ပြောတတ်ပါသည်။ ယင်းသည် ကိုယ့်ပိုက်ကွန်ကို ကိုယ့်အတွက် ထောင်သည်ဟု ယူဆသူများလည်း ရှိလာပါသည်။ မည်သည့် အယူအဆက မှန်သည်ဟု ဆိုရန် ခက်လှပါသည်။ အခြေအနေပေါ် မူတည်ပြီး မှန်နေသောကြောင့် ဖြစ်သည်။ အချင်းချင်း ရန်တိုက်ပေးခြင်းဖြင့် လုပ်ငန်းခွင်ကို ထိန်းထားနိုင်သရွေ့တော့ ထိုစီမံခန့်ခွဲမှုသည် အောင်မြင်နေမည်သာ ဖြစ်သည်။ သို့သော်လည်း ဂိတ်ဆုံးလျှင် ဒုတိယ အယူအဆသည် မှန်လာပါတော့သည်။ စီးပွားရေး လုပ်ငန်းတစ်ခုတွင် ဖြစ်သည်။ ကြော်ငြာအားဖြင့် လှုပ်ရှားနေရသော စီးပွားရေးလုပ်ငန်း ဖြစ်သောကြောင့် ကြော်ငြာနှင့်ဆိုင်သော ပညာရှင်များလည်း ရှိသည်။ သတ်ပုံနှင့်ဆိုင်သော ပညာရှင်များလည်း ပါသည်။ သို့သော်လည်း လုပ်ငန်းရှင် အနေဖြင့် ကြော်ငြာမှု အပိုင်းတွင် အယူအဆများ၊ Customer Behavior များ၊ CRM, Customer Satisfactions စသည့် အချက်ပေါင်း များစွာကို ဂရုစိုက်ရသည်။ မားကက်တင်းအတွက် သူတို့သည် အသက်ဖြစ်သည်။

ပြီးလျှင် စကားလုံးဖွဲ့စည်းမှု၊ ကျစ်လျစ်စွာ သတင်း အင်ဖော်မေးရှင်း ပေးနိုင်မှု၊ ထိရောက်စွာ သတင်းပေးနိုင်မှု စသည့် အချက်များက ပြုစုပြီးလျှင် သဒ္ဒါအမှား အမှန်အတွက် သဒ္ဒါစိစစ်ရေး အဖွဲ့ကို ပေးလိုက်ပါသည်။ ကြော်ငြာ ပြုစုပျိုးထောင်ရေး အဖွဲ့အနေဖြင့် သဒ္ဒါစိစစ်ချိန်ကို ပေး၍ မရပါ။လူတိုင်း ခံစားဖူးပါသည်။ သဒ္ဒါကိုသာ ဂရုစိုက်လွန်း အားကြီးလျှင် အိုင်ဒီယာ ပျောက်တတ်ပါသည်။ အိုင်ဒီယာကိုသာ ဂရုစိုက်မည် ဆိုလျှင်လည်း သဒ္ဒါ လှည့်မကြည့်အားပါ။ ကမ္ဘာကျော် စာရေးဆရာကြီး ရှိတ်စပီးယားပင်လျှင် သူ့နာမည်ကို အမျိုးမျိုး ရေးတတ်သည်ဟု ဆိုပါသည်။ စာလုံးပေါင်း ၆ မျိုးလောက် ရှိသည်ဟု ဆိုပါသည်။ မည်သည့်ဟာ အမှန်ကိုပင် ပြောရန် ခက်သည်ဟု ဆိုပါသည်။ အချို့ကတော့ တို့ကတော့ အိုင်ဒီယာလည်း ကောင်းတယ်၊ Grammar လည်း ကောင်းသည်ဟု ဆိုပါသည်။ အရူးစကား ဖြစ်ပါသည်။ ကိုယ်ရည် သွေးလွန်းသောကြောင့် အရူးဟု ပြောလိုခြင်း ဖြစ်သည်။ လင်းတလောက်တော့ ငှက်တိုင်းလှရုံဖြင့် သွေးနားထင် ရောက်သော စကားဖြစ်သည်။

တစ်နည်းအားဖြင့် Specialization ဆိုတာလည်း နားမလည်၊ Division of labour ဆိုတာလည်း နားနှင့်ဝေးနေသော So-called  ပညာရှိများ၊ ကြက်ဆူတော ပညာရှိများသာ ပြောလေ့ရှိသော စကားပင် ဖြစ်သည်။ ထိုအချက်ကို ကောင်းကောင်း နားလည်သော လုပ်ငန်းရှင်သည် ထိုပညာရှင် နှစ်အုပ်စုကို စုစည်းပြီး အသိအမှတ် ပြုမည့်အစား သွေးခွဲ အုပ်ချုပ်လာသောကြောင့် တစ်အုပ်စုနှင့် တစ်အုပ်စု ငါနှင့်ငါသာ နှိုင်းစရာများ ဖြစ်လာပါတော့သည်။ အလုပ်မမွေးဘဲ လူမွေးသောကြောင့် အလုပ် “ကျ” ပြီး၊ လူ “ထ” လာပါတော့သည်။ ထိုအခါ မထိရောက်သော ကြော်ငြာများ၊ ပိုးသာကုန် မောင်ပုံ စောင်းမတတ်သော ကြော်ငြာများ ဖြစ်လာပါသည်။ အဓိကတော့ လုပ်ငန်းရှင်သည် အလုပ်ကို မမွေးတတ်ဘဲ လွယ်ကူလွန်းသည့် “လူမွေး” ခြင်းကိုသာ နားလည်သောကြောင့်သာ ဖြစ်ပါတော့သည်။ ယင်းကို Leadership တွင် Management Means ဟု ခေါ်ဆိုကြသည်။ Supervision နှင့် Management Means ထိုနှစ်ပါး နားလည်နိုင်လျှင်တော့ အကောင်းဆုံး ဖြစ်သည်။

ဒေါက်တာမောင်မောင်စိုး (ဘောဂဗေဒ)
By HR Journal Originally posted 07/03/2011 16:06PM
http://news.yatanarpon.com.mm/cp/hrjournal/article-9939

နံရိုးပေါင်း ခေါက်ဆွဲ

နံရိုးပေါင်း ခေါက်ဆွဲ
----------------------------------
နေ့လည်စာ၊ အစာပြေအဖြစ် လုပ်စားနိုင်ဖို့ နံရိုးပေါင်း ခေါက်ဆွဲပါ။ ဒီ နံရိုးပေါင်း ခေါက်ဆွဲမှာ တရုတ်ပဲအမဲအနှစ်က အခရာကျပါတယ်။ ပဲအမဲအနှစ်က ဟင်းလျာရဲ့ အရသာကို ချိုစိမ့်ပြီ ပိုမို ပေါ်လွင်စေပါတယ်။ ဒါကြောင့် ၀က်နံရိုးကို တရုတ်ပဲအမဲအနှစ်၊ ခရုဆီ၊ ဆန်ဝိုင်၊ ပဲငံပြာရည်၊ နှမ်းဆီတို့နဲ့ နာရီဝက်နုပ်ပြီမှ Pressurec cooker နဲ့ မိနစ် ၃၀ခန့် ပေါင်းထားပါတယ်။ လုပ်ရလည်း လွယ်တာမို့ ခုပဲ တူတူ ချက်ကြည့်ရအောင်...
----------------------------------
ချက်ပုံအဆင့်ဆင့်ကို http://www.wutyeefoodhouse.com/?p=9891/ မှာကြည့်နိုင်ပါတယ်..
----------------------------------
နံရိုးပေါင်းတွင် ပါဝင်ပစ္စည်းများ

ဝက်နံရိုး - ၄၅၀ ဂရမ် (၁လက်မခွဲအရွယ် ပိုင်းဖြတ်ထားပါ)
ဟင်းရွက်ဆီ - စားပွဲတင်ဇွန်း ၂ဇွန်း
ဂျင်း - စားပွဲတင်ဇွန်း ၁ဇွန်း (ညက်အောင်ထောင်းပါ)
ကြက်သွန်ဖြူ - ၂မွှာ (နှုတ်နှုတ်စဉ်းပါ)
တရုတ် ပဲအမဲအနှစ် - စားပွဲတင်ဇွန်း ၁ဇွန်း
ငရုတ်သီးစိမ်း - ၁တောင့် (ပါးပါးလှီးပါ)
ပဲငံပြာရည် - လက်ဖက်ရည်ဇွန်း ၃ဇွန်း
သကြား - စားပွဲတင်ဇွန်း ၁ဇွန်းခွဲ
ဆွမ်းအုပ် ဟင်းခတ်မှုန့်- လက်ဖက်ရည်ဇွန်း ၄ပုံ၁ပုံ
ခရုဆီ - စားပွဲတင်ဇွန်း ၁ဇွန်း
ဆန်ဝိုင် - စားပွဲတင်ဇွန်း ၁ဇွန်း
ကော်မှုန့် - လက်ဖက်ရည်ဇွန်း ၂ဇွန်း
နှမ်းဆီ - လက်ဖက်ရည်ဇွန်း ၁ဇွန်း
ငရုတ်ကောင်းမှုန့်(အဖြူ) - အနည်းငယ်
----------------------------------
တခြား ပါဝင်ပစ္စည်းများ
ဂျုံမှုန့် - ၂၀၀ ဂရမ်
မုန့်ညှင်း - ၁စည်း (ရေနွေးဖျော်ထားပေးပါ)
----------------------------------
ချက်ပြုတ်နည်း
၁။ အရင်ဆုံး ဒယ်ထဲ ဆီထည့်ပြီ ဆီပူလာလျှင် ကြက်သွန်ဖြူ၊ ဂျင်း၊ ငရုတ်သီးစိမ်း ဆီသပ်ပေးပါ။
၂။ ပြီနောက် ပဲအမဲအနှစ်ထည့်ပြီ ရောမွှေလိုက်ပါ။
၃။ ထို့နောက် မီးပိတ်လိုက်ပြီ (၀က်နံရိုး၊ ဆီသပ်ထားတဲ့ ပဲအမဲအနှစ်၊ ခရုဆီ၊ ပဲငံပြာရည်၊ ဟင်းခတ်မှုန့်၊ ဆန်ဝိုင်၊ ကော်မှုန့်၊ နှမ်းဆီ၊ ငရုတ်ကောင်းမှုန့်၊ သကြား) တို့ကို သမအောင်ေ၇ာနုယ်ပြီ နာရီဝက်ခန့် နုပ်ထားပေးပါ။
၎။ နုပ်ပြီလျှင် Pressure Cooker ထည့်၊ ရေ ခွက်(၄ပုံ၃ပုံ) ထည့် နာရီဝက်ခန့် အရိုးပါ နူအိသည်အထိ အဖုံးအုပ်ကာ တည်ထားပေးပါ။
၅။ ၀က်နံရိုးရပြီဆိုလျှင် ခေါက်ဆွဲပြုတ်ပါမည်။ ဒယ်အိုးထဲ ရေများများထည့်ပြီ ပွက်ပွက်ဆူအောင် တည်ထားပါ။
၆။ ဆူလာလျှင် ဂျုံခေါက်ဆွဲများထည့်ပြီ ကျက်သည်အထိ ၄မိနစ်ခန့် တည်ထားပြီ ဇကာဖြင့် ပြန်ဆယ်ထားပါ။
၎။ အရင်ဆုံး ပန်းကန်ထဲ ဂျုံခေါက်ဆွဲ၊ မုန်ညှင်းတို့ ထည့်ပါ။
၅။ ပြီမှ နံရိုးပေါင်း၊ နံရိုးပေါင်းချက်ထားတဲ့ ဆော့ရည်၊ ဆမ်းပြီ အရသာရှိစွာ နံရိုးပေါင်း ခေါက်ဆွဲကို သုံးဆောင်နိုင်ပါပြီ...
မှတ်ချက် ။ ။ နံရိုးပေါင်း pressure cooker ချက်ရာတွင် ရေကျန်ပါက၊ ဒယ်ထဲ ထည့်ပြီ ရေတ၀က်ခန်းသည်အထိ ပြန်တည်ပေးပါ။
----------------------------------
Wutyee Food House
----------------------------------

ရွှေတောင်ခေါက်ဆွဲ

ရွှေတောင်ခေါက်ဆွဲ

ရွှေတောင်ခေါက်ဆွဲ (၅ယောက်စာ)


မနက်စာ၊ အစာပြေ လုပ်စားနိုင်ဖို့ ရွှေတောင်ခေါက်ဆွဲ လုပ်နည်းပါ။ လုပ်ရလွယ်ပြီ အိမ်မှာ အလွယ်တကူ လုပ်စားနိုင်တာမို့ ခုပဲ တူတူချက်ကြည့်ရအောင်…
ရွှေတောင်ခေါက်ဆွဲ ပြင်ဆင်ရန် ပါဝင်ပစ္စည်းများ

• ဂျုံခေါက်ဆွဲ – ၂၅ကျပ်သား
• ကြက်သွန်နီ – ၄လုံး (ပါးပါးလှီးပါ)
• နံနံပင် – ၁စည်း (ပါးပါးလှီးပါ)

• သံပရာသီး – ၄လုံး (၄စိပ်စိပ်ပါ)
• အုန်းသီး – ၁လုံး (ခြစ်တံဖြင့်ခြစ်ပြီ အရည်ညှစ်ပေးပါ) (အုန်းဆီနှစ် ချက်ရန်)
• ပဲအကျက်မှုန့် – ၄၀ ဂရမ်
• ငရုတ်သီးအကြမ်းမှုန့်ကြော် – စားပွဲတင်ဇွန်း ၃ဇွန်း

ကြက်သားဟင်း ချက်ရန် ပါဝင်ပစ္စည်းများ

• ကြက်ရင်ဗုံသား – ၂ခု (၂၅၀ ဂရမ်) (အတုံးသေးများ တုံးပါ)
• ကြက်သွန်နီ – ၄လုံး (ဥသေး(သို့) ဥကြီးထက်ခြမ်းခြမ်းပါ)
• ကြက်သွန်ဖြူ – ၂မွှာ (နှုတ်နှုတ်စင်းပါ)
• ငရုတ်သီးမှုန့် – စားပွဲတင်ဇွန်း ၁ဇွန်းခွဲ
• ဆား – လက်ဖက်ရည်ဇွန်း ၁ဇွန်း
• ကြက်သားမှုန့် – လက်ဖက်ရည်ဇွန်း ၁ဇွန်း
• ဟင်းရွက်ဆီ – စားပွဲတင်ဇွန်း ၄ဇွန်း

ပြင်ဆင်နည်း
၁။ အရင်ဆုံး ရွှေတောင်ခေါက်ဆွဲနှင့် တွဲဖက် စားသုံးရန် ဂျုံခေါက်ဆွဲမုန့်ကြွပ် ကြော်ပါမည်။
၂။ ဒယ်ထဲ ဆီများများထည့်ပြီ ဆီတော်တော်ပူလာမှ ဂျုံခေါက်ဆွဲဖတ် လက်တဆုပ်စာကို ၂ခါခွဲပြီ အညှိရောင်သန်းသည်အထိ ကြော်ပေးပါ။
၃။ ပြီလျှင် ပန်းကန်ထဲ ပြန်ဆယ်ထားပေးပါ။

၎။ ပြီနောက် အုန်းဆီနှစ်ချက် လုပ်ရန် အုန်းသီးညှစ်ရည်များကို ဒယ်ထဲတွင် မီးအသင့်အတင့်ဖြင့် ဆီပြန်သည် အထိ တည်ထားပေးပါ။


၅။ ဆီပြန်လျှင် မီးပိတ်လိုက်ပြီ ပန်းကန်ထဲပြောင်းထည့်ထားပါ။

ချက်နည်း
၁။ အရင်ဆုံး ကြက်သားဟင်းချက်ရန် ဒယ်ထဲ ဆီထည့်ပြီ ဆူပူလာလျှင် ကြက်သွန်ဖြူ ဆီသပ်ပေးပါ။
၂။ ပြီလျှင် ငရုတ်သီးမှုန့်ထည့်၊ ကြက်သားထည့်ပြီ ၁မိနစ်ခန့် ရောမွှေပါ။
၃။ ထို့နောက် ရေ(၃ခွက်)၊ ဆား၊ ကြက်သားမှုန့်၊ ကြက်သွန်နီထည့်ပြီ ၂မိနစ်ခန့် တည်ထားပါ။
၎။ ရေ (၂ခွက်)စာ ကျန်လျှင် အရသာမြည်းပြီ မီးပိတ်လိုက်ပါ။ ကြက်သားဟင်းရည် ရပါပြီ…

၅။ ရွှေတောင်ခေါက်ဆွဲ ပြင်ဆင်ရန် ဇောက်ပန်းကန်ပြားတစ်ခုထဲ ခေါက်ဆွဲ၊ ကြက်သွန်နီ၊ အုန်းဆီချက်၊ ပဲမှုန့်၊ သံပရာသီး၊ ငရုတ်သီးမှုန့်၊ မုန့်ကြွပ် တို့ကို ထည့်ပြီ ပြင်ပေးပါ။

၆။ ထို့နောက် အပေါ်မှ ကြက်သားဟင်းရည်(ယောက်ချို ၂ဇွန်း) လောင်းချလိုက်ပါ။
ရ။ အရသာရှိသော ရွှေတောင်ခေါက်ဆွဲကို သုံးဆောင်လို့ရပါပြီ…

မှတ်ချက်။ ။ ရွှေတောင်ခေါက်ဆွဲနှင့် တွဲဖက်သုံးဆောင်ရန် ကြက်ပြုတ်ရည်အတွက် ကြက်ရိုးများကို ပြုတ်ပြီ ကြက်သွန်ဖြူ၊ ဆား၊ ကြက်သားမှုန့်၊ ငရုတ်ကောင်းမှုန့်၊ ကြက်သွန်မြိတ်များ ဖြူး ပေး

ဝက်ခေါက်ကင်

ဝက်ခေါက်ကင်

ဝက်ခေါက်ကင်

တရုတ်စတိုင် ၀က်ခေါက်ကို ကြွပ်ရွအောင် ကင်တဲ့ ကင်နည်းပါ။ ဆိုင်ကလို အခေါက်ကြွပ်ရွရွလေး လုပ်စားချင်သူများ အတွက်ပါ။ လုပ်ရတာလည်း လွယ်တာမို့ ခုပဲ တူတူကင်ကြည့်ရအောင်…
ဝက်ခေါက်ကင်တွင် ပါဝင်ပစ္စည်းများ

• ၀က်သား သုံးထပ်သား – ၄၀၀ ဂရမ်
• ဆား – လက်ဖက်ရည်ဇွန်း ၁ဇွန်း
• သကြား – စားပွဲတင်ဇွန်း တ၀က်

• တရုတ်မဆလာ – လက်ဖက်ရည်ဇွန်း ၁ဇွန်း
• ရှာလကာရည် – လက်ဖက်ရည်ဇွန်း ၁ဇွန်း
• ငရုတ်ကောင်းမှုန့် – လက်ဖက်ရည်ဇွန်း တ၀က်
• ဆားကြမ်း – များများ (အပေါ်မှဖြူးရန်)

ပြင်ဆင်နည်း
၁။ ၀က်သား အသားပိုင်းကို ဓားဖြင့် အရှည်လိုက် မွန်းပေးပါ။
၂။ ပြီလှင်ျ ခွက်တစ်ခုထဲတွင် (ဆား၊ သကြား၊ တရုတ်မဆလာ၊ ငရုတ်ကောင်းမှုန့်) တို့ကို သမအောင် ရောနုယ်ပေးပါ။
၃။ ပြီမှ ရောနုယ်ထားသည်များကို ၀က်သား အဆီနဲ့ အသားပိုင်းကို နုယ်ပေးပါ။ အပေါ်မှ ရှာလကာရည်များ ဖြူးပြီ အရသာ စိမ့်ဝင်အောင် နုယ်ပေးပါ။

၎။ ထို့နောက် ၀က်ခေါက်ကို ခရင်း(သို့) ဆူတံဖြင့် အပေါက်ကလေးများ ဖြစ်အောင် အနှံ့ထိုးပေးပါ။

၅။ ထို့နောက် ၀က်ခေါက်မျက်နှာပြင်ကို တီရူးဖြင့် ခြောက်အောင် သုပ်ပေးပါ။
၆။ ရေခဲသေတ္တာအောက်ထပ်တွင် အနည်းဆုံး ၈နာရီ(သို့) ၁ညသိပ် နုပ်ပေးထားပါ။
ကင်နည်း
၁။ ကင်ဖို့အတွက် Aluminum Foil(သတ္တုပြား) ဖြင့် ၀က်သား ပတ်ပတ်လည်ကို ကာလိုက်ပါ။

၂။ ပြီလျှင် အပေါ်မှ ဆားကြမ်းများကို ဖြူးပေးပါ။

၃။ ပြီနောက် Oven ထဲထည့်ပြီ ၁၈၀ ဒီဂရီဖြင့် ၄၅မိနစ်ခန့် ကင်ပေးပါ။
၎။ ကင်ပြီလျှင် ၀က်သားပေါ်မှ ဆားကြမ်းများကို ပြန်ဖယ်ထားလိုက်ပါ။

၅။ ပြီမှ နောက်ထပ် ၁၈၀ ဒီဂရီဖြင့် မိနစ် ၂၀ခန့် ထပ်ကင်ပေးပါ။

၆။ အခါက်က ကြွပ်ရွပြီ အရမ်းစားကောင်းလို့ကောင်းတဲ့ ၀က်ခေါက်ကင်ကို ရရှိပါပြီ…
ရ။ ကိုယ်ကြိုက်နှစ်သက်သလို အတုံး (သို့) ပါးပါးလှီးပြီ သုံးဆောင်နိုင်ပါပြီ…

ဝက်ခေါက်ကင် ထမင်းပေါင်း

ဝက်ခေါက်ကင် ထမင်းပေါင်း
___________________
ဝက်ခေါက်ကင် ထမင်းပေါင်းလေးပါ။ ထမင်းပေါင်း နဲ့ ၀က်ခေါက်ကင်နဲ့ တွဲဖက် စားသုံးရတာမို့ အရသာကလည်း တမူထူးခြားပြီ အရမ်းစားလို့ ကောင်းပါတယ်။ ထမင်းပေါင်းမှာ ချဉ်၊ချို၊ ခါး အရသာ ၃မျိုးလုံးရအောင် အမျိုးအမယ် များများ ထည့်ချက်ရပါတယ်။ ခုပဲ ချက်နည်းလေးကို ကြည့်လိုက်ရအောင်…

ထမင်းပေါင်းတွင် ပါဝင်သောပစ္စည်းများ
ချက်ပြီးသားထမင်း – ဆန်၁လုံး
မုန်လာဥနီ – ၅ကျပ်သား (အပါး စောင်းလှီးပါ)
ပန်းကော်ဖီ – တစိတ် (အတုံးသေးများ တုံးပါ)
ဘိုစားပဲ – ၅ကျပ်သား (အပါး စောင်းလှီးပါ)
မှို- ၅ကျပ်သား (အပါး စောင်းလှီးပါ)
ငုံးဥ – ၈လုံး ( ပြုတ်ပြီ အခွံနွှာထားပေးပါ)
ခရမ်းချဉ်သီး – ၂လုံး (အစေ့ထုတ် ၈စိပ်စိပ်ပါ)
ကြက်သွန်ဖြူ – ၂မွှာ (ထောင်းပါ)
ကြက်သွန်နီ – တ၀က် (ထောင်းပါ)
ခရုဆီ – စားပွဲတင်ဇွန်း ၁ဇွန်း
ကြက်ပြုတ်ရည် (သို့) ရေ – ၃ခွက်
ဆား – လက်ဖက်ရည်ဇွန်း ၂ ဇွန်း
ကြက်သားမှုန့် – လက်ဖက်ရည်ဇွန်း ၂ ဇွန်း
သကြား – လက်ဖက်ရည်ဇွန်း ၂ ဇွန်း
နှမ်းဆီ – လက်ဖက်ရည်ဇွန်း ၃ပုံ၁ပုံ
ဝက်ခေါက်ကင်တွင် ပါဝင်ပစ္စည်းများ
ဝက်သားသုံးထပ်သား – ၃၅ကျပ်သား
ပဲငံပြာရည် – စားပွဲတင်ဇွန်း ၂ဇွန်း
တရုတ် ဆန်ဝိုင် – စားပွဲတင်ဇွန်း ၃ဇွန်း (ဟင်းချက် ၀ိုင်)
ပျားရည် – စားပွဲတင်ဇွန်း ၂ဇွန်း
ငရုတ်သီးနှစ် – စားပွဲတင်ဇွန်း ၁ဇွန်း (သိုပ) အနီရောင် ဆိုးဆေးရည် – လက်ဖက်ရည်ဇွန်း ၁ဇွန်း
သကြား – စားပွဲတင်ဇွန်း ၁ဇွန်း
နှမ်းဆီ – လက်ဖက်ရည်ဇွန်း ၁ဇွန်း
ဝက်ခေါက်ကင်နည်း
၁။ အရင်ဆုံး ၀က်သား သုံးထပ်သားကို ၁”* ၃” အရွယ် အတုံးများ တုံးပေးပါ။
၂။ ပြီနောက် ခွက်တစ်ခုထဲ (ပဲငံပြာရည်၊ ပျားရည်၊ သကြား၊ ဆန်ဝိုင်၊ ငရုတ်သီးနှစ်၊ နှမ်းဆီ) တို့ကို သမအောင် ရောမွှေပေးပါ။
၃။ ပြီလျှင် ဆော့ရည်ကို ၀က်သားသုံးထပ်သားပေါ်သို့ လောင်းချလိုက်ပြီ ရေခဲသေတ္တာအောက်ထပ်တွင် အနည်းဆုံး ၃နာရီ (သို့) တညသိပ် နုပ်ထားပေးပါ။
၎။ နုပ်ထားပြီလျှင် ၀က်သားသုံးထပ်သားကို ၁၈၀ ဒီဂရီဖြင့် တဖက်ကို မိနစ် ၂၀နှုန်းဖြင့် မိနစ် ၄၀ကင်ပေးပါ။ (ကင်နေစဉ်အတွင်း ၁၀မိနစ်ခြားတခါ နုပ်ထားတဲ့ ဆော့ရည်များ သုပ်လိမ်းပေးပါ)
၅။ ၀က်ခေါက်ကင်ရပြီဆိုလျှင် ဓားဖြင့် အရှည် ပါးပါးလှီးပေးပါ။
၆။ ၀က်ခေါက်ကင် ရပြီဆိုလျှင် ထမင်းပေါင်း စချက်လို့ရပါပြီ…
ထမင်းပေါင်း ချက်နည်း
၁။ ဒယ်ထဲ ဆီ (စားပွဲတင်ဇွန်း ၄ ဇွန်း) ထည့်၊ ဆီပူလာလျှင် ထောင်းထားသော ကြက်သွန်ဖြူ (၂မွှာ)၊ ကြက်သွန်နီ တ၀က် ထည့် အညှိရောင် သန်းလာသည် အထိ ဆီပူထိုးပေးပါ။
၂။ ပြီးလျှင် ထမင်းပေါင်း ပါဝင်သော ဟင်းရွက်များဖြစ်သည့် (မုန်လာဥနီ၊ ဘိုစားပဲ၊ ပန်းကော်ဖီ) တို့ကို အရင်ထည့်မွှေပေးပါ။ ကြက်ပြုတ်ရည် (သို့) ရေ(၂၀၀ မီလီလီတာ) စာလောက်ထည့်ပြီး မွှေပေးပါ။
၃။ အရသာအတွက် ခရုဆီ၊ ဆား၊ ကြက်သားမှုန့်၊ နှမ်းဆီ ထည့်ကာ ဟင်းရွက်များ နူးလာသည် အထိ မီးအတင့်သင့်ဖြင့် တည်ထားပါ။ ပြီးလျှင် အပေါ့အငံ မြည်းကြည့်ပါ။
၎။ ထို့နောက်မှ နူလွယ်သော ခရမ်းချဉ်သီး၊ မှို နှင့် ကင်ထားတဲ့ ၀က်ခေါက်ကင်(တ၀က်)၊ ငုံးဥ နှင့် ရေ(၂ခွက်(၄၀၀မီလီလီတာ)) တို့ကို ထည့်ပေးပြီ ဆူအောင် ပြန်တည်ထားပါ။
၅။ ဆူလာလျှင် ကြက်သွန်မြိတ်လေးများ ဖြူပေးပြီ ကော်ရည်များ လောင်းထည့်လိုက်ပါ။
၆။ ထို့နောက် ထမင်းပူပူကို ပန်းကန်လုံးထဲထည့် ကာ ထမင်းစားပန်းကန်ပြားထဲသို့ မှောက်ထည့်ပေးပါ။ ဘေးတွင် ၀က်ခေါက်ကင် စီပြီ ၀က်သားဆော့ရည် အနည်းငယ် ဆမ်းပေးပါ။
ရ။ ပြီလျှင် ၀က်ခေါက်ကင် ထမင်းပေါင်းရည်များကို ထမင်းပေါ်သို့ လောင်းချလိုက်ပါ။
၈။ ပူပူနွေးနွေး ထမင်းပေါင်းကို အရသာရှိစွာ သုံးဆောင်နိုင်ပါပြီ…
Wutyeefood house မှကူးယူဖော်ပြသည်။