Bill Gates ရဲ့ အောင်မြင်ရေးသော့ချက် (၁၀) ချက်
================================
Bill Gates အကြောင်း တစေ့တစောင်း
Forbes Magazine က ထုတ်ပြန်တဲ့ ကမ္ဘာ့အချမ်းသာဆုံး စာရင်း မှာ နံပါတ် ၁ နေရာမှာ ၁၇ ကြိမ် ရှိခဲ့ပါတယ်။
သူဟာ လက်ရှိ ၂၀၁၇ အထိ ကမ္ဘာမှာ အချမ်းသာဆုံး ပုဂ္ဂိုလ်ကြီးဖြစ်နေတုန်းပါပဲ။ ၂၀၁၇ ဇန်နဝါရီမှာ သူ့ရဲ့ ပိုင်ဆိုင်မှုဟာ အမေရိကန်ဒေါ်လာ ၈၄.၂ ဘီလီယျံရှိပါတယ်။ Computer သုံးသူတိုင်း Bill Gates ကို မသိတဲ့သူ မရှိသလောက်ပါပဲ။
America မှာ နံပါတ်၂ လူမှုအကူအညီဆုံး လူလို့လဲ ဆိုကြပါတယ်။ သူဟာ ဒေါ်လာပေါင်း၂၈ ဘီလီယျံကို လူမှုကူညီရေးတွေမှာ လှူဒါန်းခဲ့ပါတယ်။
ကဲ…Bill Gates ပြောခဲ့တဲ့ သူရဲ့ အောင်မြင်ရေး လျှို့ဝှက်ချက်တွေ ကြည့်ရအောင်…
၁။ ခွန်အား ရှိပါ
ကျွန်တော် Microsoft ကို စထောင်တုန်းက ဘာမှ မကြောက်မရွံ့ခဲ့ပါဘူး။ ကျွန်တော် မွဲသွားနိုင်တယ်ဆိုတာလည်းသိတယ်။ ဒါပေမယ့် ကျွန်တော် အခြားအလုပ်ကို လျှောက်ဖို့ လုံလောက်တဲ့ ပညာလည်းရှိတယ်၊ ပြီးတော့ အမေတို့က ကျောင်းကို ပြန်တက်မယ်ဆိုရင်တောင် ထားပေးမယ်လို့ ပြောထားပါတယ်။ ဒီတော့ ကျွန်တော် Company ထောင်တာကို ဘာမှ မပူခဲ့ပါဘူး။ ပေါ့ပေါ့ပါးပါး ပါပဲ။ (Bill Gates Microsoft ကို စတင်ထောင်ခဲ့တုန်းက အသက် ၂၀ ပဲရှိပါသေးတယ်)
ဒါပေမယ့် နောက်ပိုင်းမှာ ကျွန်တော် အရမ်းကို သတိကြီးကြီးထားပြီး လုပ်ဆောင်ခဲ့ရပါတယ်။ ဝင်ငွေမရသေးရင်တောင်မှ ဘဏ်ထဲမှာ နှစ်ကုန်ရင် ဝန်ထမ်းတွေအတွက် လစာပေးဖို့ အပြည့်အဝ ရှိနေဖို့ ကျွန်တော် ပြင်ဆင်ခဲ့ရပါတယ်။ Company တခု စထောင်တော့မယ်ဆိုရင် ခွန်အားတွေ အများကြီးလိုပါတယ်။ ကိုယ့်ရဲ့ ကြောက်စိတ်တွေ၊ စွန့်စားဖို့ရာတွေအတွက် ဒီခွန်အားရှိနေမှဖြစ်မှာပါ။
ပြီးတော့ အလုပ်စ လုပ်ကိုင်စမှာ Company ထောင်ဖို့ မလောသင့်ဘူးလို့ ကျွန်တော် ထင်ပါတယ်။ Company မှာ လုပ်ရင်းနဲ့ သူတို့တွေ ဘယ်လိုလည်ပတ်နေတယ်ဆိုတာကို အများကြီး သင်ယူနိုင်ပါတယ်။ နောက်ထပ်ရယ်ဖုိ့ကောင်းတာက ကျွန်တော် စလုပ်တုန်းက အသက်ငယ်သေးတော့ ကားမောင်းလိုင်စင် မရှိပါဘူး။ အစည်းအဝေးတွေရှိတိုင်း Taxi နဲ့ပဲ ပြေးရပါတယ်။ လုပ်ဖော်ကိုင်ဖက်တွေ Bar သွားမယ်ဆိုရင်တော့ အသက်ငယ်လို့ဆိုပြီး ကျွန်တော်ဝင်လို့မရပါဘူး။
ဒါပေမယ့် ဒီအသက်ငယ်တာဟာ ကျွန်တော်အတွက် အဓိက အားသာချက်ဖြစ်ခဲ့ပါတယ်။ လူတွေက ဒီကောင်လေး ဘာမှ မသိပါဘူးလို့ထင်နေချိန်မှာ ကိုယ်က ကောင်းကောင်း ပြနိုင်ခဲ့ရင် အရမ်းအထင်ကြီးသွားပြီး ကျွန်တော်တို့နဲ့ ဆက်လက်လက်တွဲဖို့အထိ စဉ်းစားလာကြပါတယ်။ လုပ်ငန်းစခါစ Company လည်းဖြစ်တော့ အတွေ့အကြုံရှိပြီးသား လူကြီးတွေ ခေါ်လို့မရခဲ့ပါဘူး။ အရဲစွန့်ပြီးလုပ်ကြမယ့် လူငယ်လူရွယ်တွေပဲ ခေါ်ခဲ့ပါတယ်။ ဒါဟာလည်း လုပ်ငန်း စတင်တဲ့ လူတိုင်း သိထားရမယ့် အခက်အခဲတခုပါ။ အခက်အခဲလို့မမြင်ပဲနဲ့ အောင်မြင်ဖို့အတွက် စိန်ခေါ်မှုတခုလို့မြင်ပြီး စိတ်ပါလက်ပါ ဆက်လုပ်ပါ။
၂။ သူများအပေါ် အဆွယ်ကောင်းပါ
(Harvard တက္ကသိုလ်က Bill Gates ကို Honory Doctor of Law ဘွဲ့အပ်နှင်းတဲ့ ၂၀၀၇ ခုနှစ် ဘွဲ့နှင်းသဘင် အခမ်းအနားတွင်ဖြစ်သည်)
ကျွန်တော် Harvard ကို ဒီ ဘွဲ့ပေးတဲ့ အတွက် ကျေးဇူးတင်ပါတယ်။ ကျွန်တော်က နောင်နှစ်ဆို အလုပ်ပြောင်းတော့မှာဆိုတော့ အနည်းဆုံး CV မှာ ဘွဲ့လေးတော့ ပါလာပြီပေါ့။ (နောင်နှစ်တွေမှာ Bill Gates ဟာ လူမှုအကျိုးပြု အလုပ်တွေမှာ စိတ်ရောကိုယ်ပါ နှစ်ပြီး လုပ်သွားပါတယ်)။ ဒီနေ့ပွဲမှာ ဘွဲ့တွေရကြတဲ့ မောင်မယ်တွေကိုလည်း ချီးကျူးပါတယ်။ ကျွန်တော်ကတော့ လူတွေသမုတ်ကြတဲ့ “Harvard ရဲ့ အအောင်မြင်ဆုံး ကျောင်းပြေး” ဆိုတာနဲ့တင် ပျော်နေခဲ့တာပါ။ ဒီလို ကျောင်းက ထွက်ခဲ့တာကပဲ ကျွန်တော့်ကို အများကြီးပြောင်းလဲစေခဲ့တယ် ထင်ပါတယ်။ ကျွန်တော် ဒီလို ကျောင်းထွက်တွေ အများကြီးထဲမှာမှ အောင်မြင်အောင် ကြိုးစားခဲ့ပါတယ်။
ဒီလိုပြောလိုက်လို့ ကျွန်တော့်မှာ ရှိတဲ့ အခြား အရည်အချင်းကတော့ သူများအပေါ် အဆွယ်ကောင်းခြင်းပါပဲ။
ကျွန်တော် အဆွယ်ကောင်းခဲ့လို့ Steve Ballmer (Microsoft ၏ ဒုတိယ CEO ဖြစ်လာသူ) လည်း သူ့ရဲ့ စီးပွားရေး ကျောင်းကနေ မပြီးသေးဘဲ ကျောင်းထွက်လိုက်တာပါ။ ဒါ့ကြောင့်ပဲ ထင်ပါတယ်။ ကျွန်တော့်ကို ဘွဲ့နှင်းသဘင်မှာမှ ဒီလို မိန့်ခွန်းတက်ပြောခိုင်းတာပါ။ ကျောင်းစစတက်ချင်း မောင်မယ်တို့ကိုသာ ပြောခွင့်ရခဲ့ရင် ဒီဘွဲ့နှင်းသဘင်မှာ လူနည်းနည်းပဲကျန်တော့မှာပါ (ရယ်သံနှော၍)
၃။ အလုပ်ကြိုးစားပါ
နေ့စဉ် ကျွန်တော့်မှာ Meeting တွေနဲ့ ပြည့်နေပါတယ်။ ညဘက် ကလေးတွေ အိပ်သွားရင်တောင် ကျွန်တော် Email တွေ ပြန်နေတုန်းပါပဲ။ ရုံးပိတ်ရက်တွေလည်း ကျွန်တော် Email တွေနဲ့ပဲ အချိန်ကုန်ဖြစ်တာများပါတယ်။ ဒါပေမယ့် တနှစ်မှာ ၂ပတ်တော့ ကျွန်တော် အပျော်ခရီးထွက်လေ့ရှိပါတယ်။
ဒီလိုထွက်တဲ့အချိန်ဆိုရင်တော့ အလုပ်တွေ၊ အခြား အကြောင်းအရာတွေ နဲ့ အနှောင့်အယှက်မပေးနိုင်အောင် ထားထားတယ်။ အဲ့ဒီ အတောအတွင်းဆိုရင် စာတွေဖတ်တယ်၊ တွေးတယ်။ နောင်အနာဂတ်မှာ ဘာတွေ ဖြစ်နိုင်မယ်ဆိုတာ တွေးခေါ်တဲ့အချိန်တွေပါပဲ။ အတွေးနယ်ချဲ့ချိန်တွေပေါ့ဗျာ။
၂၅ ရာခိုင်နှုန်းသော အချိန်တွေက အခြားနိုင်ငံတွေကို စီးပွားရေးကိစ္စနဲ့ သွားရောက်နေတာနဲ့ ကုန်တာများပါတယ်။
ဒီလို သွားရောက်ရတဲ့အချိန်တွေမှာ ကျွန်တော့်အတွက် အတွေးကောင်းတွေ တွေးဖို့ အချိန်ရစေပါတယ်။ ငါတို့ အလုပ်တွေ မှန်ကန်ရဲ့လား၊ ဝယ်သူတွေ ဘာကိုကြိုက်ကြလဲ၊ လူတွေ ငါတို့ကို ဘယ်လိုအနေအထားနဲ့ ပိုမြင်စေချင်လဲ စသဖြင့် ကျွန်တော် တွေးပါတယ်။
၎။ အနာဂတ်ကို ပုံဖေါ်ပါ
Microsoft က ပထမဦးဆုံး အနာဂတ်ကို ပုံဖေါ်မယ်ဆိုတဲ့ အယူအဆနဲ့ Windows Computer တွေကို ၁၉၈၃ မှာ စတင် ဖြန့်ဖြူးခဲ့တာပါ။ ကျွန်တော်တို့ ထွင်ခဲ့တဲ့ Microsoft Word, Excel နဲ့ PowerPoint Software တွေကို လူတွေ မြန်မြန်ဆန်ဆန်နဲ့ လက်ခံသုံးစွဲခဲ့ကြတာဟာ အင်မတန်မှ အားရစရာပါပဲ။ Windows ကို အခြေခံပြီး အခြား Company တွေဟာ အပတ်စဉ် စိတ်ကူးအသစ်၊ နည်းပညာအသစ်တွေကို ထပ်ဆင့်ထုတ်လာနိုင်တာဟာ ကျွန်တော်တို့ ဟိုးအရင်က မျှော်မှန်းခဲ့တဲ့ အနာဂတ်ကို အခု ပြန်မြင်နေရသလိုပါပဲ။
၅။ ကိုယ်လုပ်တဲ့အလုပ်မှာ ပျော်ပါ
အဓိက အချက်ကတော့ ကိုယ်လုပ်တဲ့အလုပ်မှာ ကိုယ်ပျော်နေဖို့အရေးကြီးပါတယ်။
ကျွန်တော်ကတော့ ကိုယ့်ထက် တော်တဲ့တတ်တဲ့ လူတွေနဲ့ အလုပ်တွဲလုပ်ရတာ၊ ပြဿနာ အသစ်တွေကို ဖြေရှင်းရတာကို ပျော်ပါတယ်။ ကျွန်တော်တို့ “ဟေး…ငါတို့ အောင်မြင်လာပြီလို့” တွေးမိလာတာနဲ့ ဒီအပေါ်မှာ မသာယာမိအောင်၊ ကျွန်တော်တို့ရဲ့ စံနှုန်းကို အမြဲထပ်မြှင့်ပါတယ်။
၆။ ဥာဏ်ရွှင်စေသော ဂိမ်းဆော့ပါ
Bridge ဆိုတဲ့ ဖဲချပ်ကစားနည်းလေးကို ကျွန်တော် အရမ်းကြိုက်ပါတယ်။ သူက အရမ်းတွေးခေါ်ရတယ်။ သူ့ကို တသက်လုံးဆော့လို့ ရတယ်၊ ဆော့လေ ပိုတော်လာလေပဲ။ ဒီကစားနည်းကို ကျွမ်းတဲ့သူဟာ အခြားနေရာတွေမှာလည်း တော်မယ်လို့ ကျွန်တော်ထင်တယ်။ ဒါ့ကြောင့် ဒီကစားနည်းကိုတော့ လူတိုင်းကို ဆော့ဖို့ တိုက်တွန်းချင်တယ်။ ရှေးက ဒါကို ထွင်သွားခဲ့တဲ့ လူကြီးသူမတွေကိုလည်း ကျေးဇူးတင်မိတယ်။
၇။ အကြံဥာဏ်တောင်းပါ
ကျွန်တော် အဖေနဲ့လည်း ပြောတယ်၊ Warren (Warren Buffett – နံပါတ်၂ အချမ်းသာဆုံး ပုဂ္ဂိုလ်) နဲ့လည်း ပြောတယ်၊ Melinda (Bill Gates ၏ ဇနီး) နဲ့လည်း ပြောတယ်။ ကျွန်တော့်အကြောင်းကောင်းကောင်းသိတဲ့ လူတွေ ကျွန်တော့်မှာ ရှိတယ်။ သူတို့က ကျွန်တော် ဘယ်နေရာမှာ အားနည်းတယ်၊ လောကြီးလွန်းတယ်၊ တွေးဖို့ လှစ်ဟာသွားတယ် ဆိုတာကို ထောက်ပြနိုင်ကြတယ်။
ဒီတော့ အကြံပေးချင်တာက ခင်ဗျားလည်း ကိုယ့်ရဲ့ သူငယ်ချင်းတွေ၊ အကြံပေးတွေကို အခုလို ပွင့်ပွင့်လင်းလင်း ထောက်ပြပေးဖို့ ပါမစ်ပေးထားသင့်တယ်။ ဥပမာ၊ ကျွန်တော် Party ကိုသွားပြီး လူတွေကို နှုတ်ဆက်ဖို့ မေ့နေတတ်တာမျိုးလေးတွေပါပေါ့။ ဒါ့ကြောင့် ဒီလိုတိုင်ပင်ဖေါ်လူတွေ ရှိထားတာဟာ ကိုယ့်ဘဝအတွက် အကောင်းဆုံး အရင်းအနှီးတခုပဲ။
၈။ လူတော်တွေ ရွေးပါ
ကျွန်တေ်ာ့ရဲ့ စီးပွားရေး ဆုံးဖြတ်ချက် အကြီးအမားတွေကို ပြောပါဆိုရင် လူရွေးရတာပါပဲ
Paul Allen (Microsoft ကို Bill Gates နှင့်တွဲထူထောင်ခဲ့သူ) လို ပုဂ္ဂိုလ်မျိုးနဲ့ သွားပြီး ပူးပေါင်းဖို့ ဆုံးဖြတ်ခဲ့တာကတော့ ဆုံးဖြတ်မှုစာရင်းထဲက ထိပ်ဆုံးမှာပေါ့။ နောက် ကျွန်တော့်သူငယ်ချင်းဖြစ်လာတဲ့ Steve Ballmer ကို ငှားရတာရောပေါ့။
အဓိက ကတော့ ကိုယ်လုံးဝ ယုံရပြီး၊ အလုပ်အပေါ်လည်း လုံးဝအာရုံနှစ်ထားတဲ့၊ ကိုယ်နဲ့လည်း အမြင်ချင်းတူမယ် ဒါပေမယ့် အလုပ်ကျွမ်းကျင်တဲ့အပိုင်းမတူဘဲ၊ ကိုယ့်ကိုလည်း အမြဲလိုလို စောင့်ကြည့်နေမယ့် လူမျိုး အနားမှာ ရှိဖို့ပါပဲ။
ကိုယ်က Idea အသစ်တွေ ပေါ်လာရင် သူတို့နဲ့ စစ်ကြည့်။ သူတို့က “ဟေ့…မင်းဒီအပိုင်းလေးရော တွေးပြီးပြီလား” လို့ ပြန်ပြောမှာကို ကိုယ်က သိနှင့်နေပြီကိုး။ ဒီလို လူမျိုးတွေနဲ့အခုလို ပြောဆိုနေရရင် စိတ်ကျေနပ်ဖို့ကောင်းယုံတင်မကဘဲ၊ ပိုပိုပြီး အောင်မြင်လာလိမ့်မယ်။ ဒီတော့…ကိုယ့်ရဲ့ လုပ်ဖော်ကိုင်ဖက် ရွေးတတ်ဖို့ဟာ အင်မတန် အရေးကြီးတယ်ဗျ။
၉။ အချိန်မဆွဲနဲ့
ကျွန်တော် ကျောင်းတက်တုန်းက အကျင့်တခုရှိခဲ့တယ်။ ဒီအကျင့်က အရမ်းအရမ်းကို ဆိုးတယ်။ အဲ့ဒါက ကျွန်တော်လူတွေကို သူတို့ရှေ့မှာ ကျွန်တော် စာမလုပ်ဘူး၊ အတန်းမတက်ဘူး၊ စာကို ဂရုမစိုက်ဘူးလို့ ပြချင်တဲ့ အကျင့်ပါ။ နောက် အနားနီးပြီဆိုတော့မှ၊ ဥပမာ စာမေးပွဲဖြေဖို့ ၂ရက်အလိုလောက်ကျမှ အသဲအသန် လုပ်တတ်တယ်။ လူတွေကတော့ ဒါကို ရေလည်မိုက်တယ်လို့ ထင်ကြတယ်။ ဒါကျွန်တော့်ရဲ့ ဂုဏ်ပေါ့ဗျာ။ “ဘာမှ မလုပ်ဘဲ အနားနီးမှ လုပ်တတ်တာ သူပေါ့”လို့ ပြောလေ့ရှိကြတယ်။
ဒါပေမယ့် စီးပွားရေး လုပ်ချိန်မှာတော့ ဒါက အရမ်းဆိုးတဲ့ အကျင့်ဖြစ်သွားတယ်။ ကျွန်တော် ဒီအကျင့်ကို ဖျောက်ဖို့ နှစ်အတော်ကြာ ပြန်လုပ်လိုက်ရတယ်။ အလုပ်မှာ ဘယ်သူကမှ အနီးကပ်မှ လုပ်လို့ ချီးကျူးတာ မရှိခဲ့ဘူး။ အခုတော့ အရင်က သိပ်ပြီးအရေးမထားခဲ့တဲ့ အချို့ သေသေသပ်သပ်နဲ့ အချိန်မှီ ကျောင်းစာ လုပ်ကြတဲ့ ကျောင်းသားတွေကိုတောင် ကျွန်တော် ပြန်ပြီး
အမြင်ပြောင်းလာခဲ့တယ်။ ဒီအချိန်မဆွဲတတ်အောင် တော့ အခုထိ ကျွန်တော် ကြိုးစားပြောင်းနေတုန်းပါပဲ။ အချိန်ဆွဲတာဟာ အကျင့်ကောင်းတခုတော့ မဟုတ်ဘူးဗျ။
၁၀။ ရယ်မော ပျော်ရွှင်တတ်ပါစေ
Bill Gates တခါက Social Media တွေမှာ ဟော့ ဖြစ်ခဲ့တဲ့ Ice Bucket Challenge (ရေခဲရေ လောင်းပြိုင်ပွဲ) မှာ အများနဲ့ မတူ ကိုယ်ပိုင် ရေခဲရေ လောင်းစင်ကို ထွင်ပြီး ဆင်နွှဲခဲ့ပါတယ်။ ရယ်ရွှင်ဖွယ်ရာ တင်ဆက်မှုလေးပါ။ ပြီးတော့ သူ့ရဲ့ Microsoft ကြော်ငြာ အများစုမှာ Bill Gates ဟာ ကိုယ်တိုင် ဟာသလေးရောပြီး ပါဝင်သရုပ်ဆောင်လေ့ရှိပါတယ်။
ဒီ ဘဝမှာ ရယ်မောပျော်ရွှင်တတ်တဲ့ အချက်လေးဟာလည်း သူ့ကို အလုပ်ရှုပ်ဆုံး CEO တစ်ယောက်အနေနဲ့ စိတ်ဖိစီးမှုတွေက လျော့ပါးစေတဲ့ အချက်လို့ယူဆပါတယ်။
စုစည်းလို့ရသမျှ အချက်အလက်ကလေးတွေကို မိတ်ဆွေရဲ့ ဘဝ အောင်မြင်ရေးအတွက်ရေးသား ပေးလိုက်ပါတယ်။
စာစုလေးတွေကို သေချာ မှတ်သားပြီး Bill Gates လို အောင်မြင်သူ တဦးဖြစ်အောင် ဆက်လက် ကြိုးစားလိုက်ပါ ခင်ဗျာ။
CRD: : ကိုသူရ
(Saving The Minds)
Founder of Success upsize
Image may contain: 1 person, standing, suit, night and text
